Almatyda jer silkingennen keıin aýrýhanaǵa túskenderdiń sany artty

<p>ALMATY. KAZINFORM &ndash; Almatyda zilzaladan zardap shekkender barlyq qajetti medıtsınalyq kómekti tolyq kólemde alyp jatyr. Bul týraly Almaty qalasy qoǵamdyq densaýlyq saqtaý basqarmasynyń qyzmet jáne monıtorıng, taldaý, tsıfrlandyrý jáne memlekettik qyzmetter bóliminiń basshysy Láılá Imanǵalıeva aıtty.&nbsp;</p>

Spıkerdiń sózinshe, 23 qańtar saǵat 17:00-degi jaǵdaı boıynsha Almaty qalasynyń aýrýhanalaryna 67 adam medıtsınalyq kómekke júgingen. 

«Onyń 55-si eresek adam, 12-si bala. 8 adam aýrýhanaǵa jatqyzyldy, onyń ishinde 3 eresek adam men 5 bala bar. Qalǵan naýqastar barlyq qajetti tekserýden keıin ambýlatorlyq emdeýge jiberildi. 3 eresek naýqas Qalalyq jedel shuǵyl kómek kórsetý aýrýhanasynda jatyr. Naýqastardyń biri otadan keıin jansaqtaý bóliminde, jaǵdaıy aýyr dep baǵalanyp otyr. Eki naýqas travmatologııa jáne ortopedııa bólimshesinde jatyr, jaǵdaıy ortasha aýyr. Balalar jedel medıtsınalyq járdem ortalyǵynda 4 bala: 6 jáne 7 aılyq, 7 jáne 16 jastaǵy balalar medıtsınalyq kómek alyp jatyr. Olar úıde qulaǵannan keıin jaraqat alǵan», - dedi Láılá Imanǵalıeva.

Sábılerge keletin bolsaq, bir sábı anasynyń qushaǵynan, ekinshisi besikten qulaǵan. Barlyq balanyń jaǵdaıy ortasha turaqty dep baǵalanady. Olar neırohırýrgııa jáne travmatologııa bólimshesinde em qabyldap jatyr. Hırýrgııalyq ota jasalmady, emi konservatıvti boldy. 

«JRVI dıagnozy qoıylǵan 17 jastaǵy jasóspirim qalalyq balalar juqpaly aýrýlar aýrýhanasynda em qabyldap jatyr», - dep atap ótti spıker.