Almatyda zilzala kezinde jumys istep júrip jaraqat alǵandar bolǵan joq — ınspektsııa

<p>ALMATY. KAZINFORM &mdash; Almatyda barlyq kásiporyn men uıymdar shtattyq rejımde istep tur. Sondaı-aq jer silkinisine baılanysty óndiristik jaraqat alý faktileri bolǵan joq. Bul týraly Almaty qalasynyń eńbek ınspektsııasy basqarmasy málim etti.</p>

Vedomstvonyń málimetinshe, qazirgi ýaqytta basqarma qyzmetkerleri óndiristik obektilerge jedel monıtorıng júrgizip jatyr.

Sonymen qatar, basqarmada kezekshi memlekettik eńbek ınspektorlar eńbek qyzmetine baılanysty jazataıym oqıǵa jaıly habarlamalardy qabyldap, tirkep otyr.

«Basqarma jedel járdem stansalary jáne tótenshe jaǵdaı departamentimen tyǵyz baılanysta. Ázirge eńbek qyzmetine baılanysty jazataıym oqıǵalardan zardap shekkender tirkelgen joq», — dep málimdedi qalalyq eńbek ınspektsııasy basqarmasy.