Almatyda júrgizýshiniń basyn jarǵan mopedshiler izdestirilip jatyr

<p>ALMATY. KAZINFORM &ndash; Áleýmettik jelilerde eki mopedshimen er adam arasyndaǵy tóbelestiń beınejazbasy tarady.</p>

Beınerolıkten er kisi men qolyna armatýra ustaǵan mopedshiler arasyndaǵy tóbelesti kórýge bolady. Janjal saldarynan kólik júrgizýshiniń basy jarylǵan. Adamdar tóbelesti toqtatyp, oqıǵa orynan ketpekshi bolǵan mopedshilerdi toqtatýǵa tyrysqan. Atalǵan jaǵdaıǵa baılanysty Almaty qalasynyń Polıtsııa departamenti túsinikteme berdi.

«Adam densaýlyǵyna qasaqana aýyr zııan keltirý faktisi boıynsha qylmystyq is qozǵaldy. Kúdiktilerdi ustaý boıynsha jedel-izdestirý sharalarynyń kesheni qabyldanýda», - dep habarlaıdy departament baspasóz qyzmetinen.

Eske salaıyq, buǵan deıin Medeý sport kesheni aldynda tóbeles bolyp, janjalǵa qatysqandardyń biri balta qoldanǵanyn jazǵanbyz. Polıtsııa qaqtyǵysqa qatysqan eki adamnyń da ustalǵanyn habarlady.