Almatyda jumys isteıtin jastarǵa qandaı páterler beriledi

<p>ALMATY. KAZINFORM &ndash; Memlekettik turǵyn úımen qamtamasyz etý baǵdarlamany júzege asyrý aıasynda 2022-2023 jyldary kommýnaldyq turǵyn úı qoryna HÁOT pen jumys isteıtin jastarǵa bólinetin 4100 páter berildi. Osy jyldyń sońyna deıin qosymsha 3150 páter satyp alý josparlanyp otyr, onyń 2100-i áleýmettik osal topqa jatatyn turǵynǵa, al 1050-i jumys isteıtin jastarǵa arnalǵan.</p>

Almaty ákimi Erbolat Dosaev áleýmettik osal toptar (HÁOT) men jumys isteıtin jastarǵa jalǵa beriletin páterler qarastyrylǵan jańa  «Alem City 3» turǵyn úı keshenin aralap kórdi.

Foto: Almaty ákimdigi

Erbolat Dosaev múmkindigi shekteýli azamattar úshin qolaıly orta qurýdyń mańyzdylyǵyn atap, turǵyn úılerge pandýstar ornatýdy tapsyrdy. Sonymen qatar, jańa úılerdi ýaqytyly ınjenerlik jelilerge qosyp, jylý jáne sýmen jabdyqtaý júıeleriniń turaqty jumysyn qamtamasyz etýge tapsyrma berdi.

Foto: Almaty ákimdigi

Jumys isteıtin jastarǵa úsh jylǵa deıingi merzimge aıyna 7-15 myń teńge aralyǵynda tólemmen jalǵa berý qarastyrylǵan, alaıda uzartý nemese satyp alý múmkindigi joq.Osy kezeńde jalǵa alýshy jastar keıinnen ekinshi deńgeıli bankter arqyly ıpotekaǵa turǵyn úı satyp alý úshin depozıtte qarajat jınaýy kerek.

Foto: Almaty ákimdigi

Osy jyldyń 10 aıynda 4828 azamat turǵyn úımen qamtamasyz etildi.

Osyǵan deıin Almatyda 43 myńnan astam adam baspana kezeginde turǵany týraly jazǵan edik. 

Aıta keteıik, «Almaty jastaryna» ótinim bergen 2 myńǵa jýyq jas baspanaly boldy.