Almatyda júk vagondarynan turmystyq tehnıka urlaǵan top ustaldy

<p>Kólik polıtseıleri júk vagondarynan turmystyq tehnıka urlaǵan bir top adamdy ustady, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://polisia.kz/kolik-politsejleri-zhuk-vagondarynan-turmystyq-tehnika-urlaghan-bir-top-adamdy-ustady/" target="_blank" rel="noopener">Polisia.kz</a>-ke silteme jasap.&nbsp;</p>

Almaty-1 stantsııasyndaǵy jelilik polıtsııa basqarmasynyń qyzmetkerleri jedel-izdestirý is-sharalaryn júrgizý barysynda Almaty oblysynyń eki turǵynyn ustady. Bul jóninde kóliktegi polıtsııa departametiniń bastyǵy Baqytjan Malybaev habarlady.

– Kúdiktilerdiń, aldyn ala sóz baılasý arqyly Jetigen stantsııasynda QHR – Almaty baǵyty boıynsha qatynaıtyn júk vagondarynan birneshe ret turmystyq tehnıkalardy urlaǵandary anyqtaldy (akvarıýmǵa arnalǵan jabdyq – 43 dana, 14 kondıtsıoner, 114 sý jylytqysh, 63 elektr plıta) dep málimdedi B. Malybaev.

Qasaqana jasalǵan qylmystyq áreketterdiń saldarynan jekemenshik kompanııalarǵa 9 mln teńgeden astam somaǵa materıaldyq zalal keltirilgen. Kólik polıtseıleriniń jedel ári úılesimdi júrgizgen is-sharalarynyń arqasynda jábirlenýshilerge keltirilgen zalal tolyq kólemde ótelgen.

Sondaı-aq vedomstva basshysynyń aıtýynsha, qazirgi ýaqytta atalǵan faktige qatysty Almaty 1 stantsııasyndaǵy JPB qyzmetkerleri Qylmystyk kodekstiń 188-babtyń 3-bóligi 3-tarmaǵy boıynsha sotqa deıingi tergeý júrgizilip jatyr. Onda múlki tárkilenip, eki jyldan jeti jylǵa deıingi merzimge bas bostandyǵyn shekteý, ne sol merzimge bas bostandyǵynan aıyrý qarastyrylǵan.