Almatyda júk kólikterimen 2400 reıs qar shyǵaryldy
16:50, 20 Qańtar 2024
<p>ALMATY. KAZINFORM - Almaty kóshelerinen 24 myń tekshe metrge jýyq qar shyǵaryldy, bul shamamen 2400 júk reısin quraıdy.</p>
Túngi saǵat 01:30-da bastalǵan qar, áli jaýyp tur.
Túsken qardyń qalyńdyǵy 8 sm.
Turǵyndardyń yńǵaıly júrip-turýy úshin kommýnaldyq qyzmetter táýlik boıǵy jumys rejımine kóshti.
Qar kúreýge túnde 436 tehnıka men 219 jumysshy tartyldy. Saǵat 08:00-den bastap 423 birlik arnaıy tehnıka jáne 1008 jumysshy jumyldyryldy.
Aýdan ákimdikterinde jumysty baqylaý úshin táýlik boıy kezekshilik uıymdastyryldy.
«Qazgıdromet» RMK boljamynsha, búgin túske deıin ara-tura qar jaýady. Soltústik-shyǵystan soǵatyn jeldiń ekpini 2-7 m/s.
Kúndiz aýa temperatýrasy -3 -5° bolady.