Almatyda jolaýshy avtobýsta janjal shyǵardy

<p>ALMATY. KAZINFORM - Almatyda qoǵamdyq kólik júrgizýshisi men jolaýshy jol ústinde janjal shyǵardy. Oqıǵanyń beınejazbasy <a href="https://www.instagram.com/p/DBYKq-wIMWt/?igsh=MTI4bnE4ZWM1bTJkbg==" target="_blank" rel="noopener">áleýmettik jelide </a>tarady.</p>

Beınejazbadan №9 avtobýs baǵytynyń júrgizýshisi qolynda ótkir zat ustaǵan jolaýshydan qorǵanyp jatqanyn baıqaýǵa bolady.

- Bul derek boıynsha tekserý jumystary júrip jatyr. Oqıǵanyń mán-jaıy anyqtalýda. Sonymen qatar, janjal qatysqandarǵa quqyqtyq baǵa berilip, Qazaqstan Respýblıkasynyń zańnamasyna sáıkes sharalar qabyldanatyn bolady, - dep habarlady qalalyq PD baspasóz qyzmeti.

Eske salaıyq, ótken jyly jeltoqsan aıynda Almatyda № 47-shi baǵyttaǵy qoǵamdyq kóliktiń ishinde Darhan Ahmetjanov janjal shyǵaryp, júrgizýshi áıeldi urǵan. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan. Apat saldarynan 7 adam zardap shegip, 3 adam mert boldy. 

Buǵan deıin Almatyda kólikterdi zańsyz tirkeýmen aınalysqan qylmystyq top ustalǵanyn jazǵanbyz.