Almatyda jol jóndeý jumystary 1 maýsymda bastalady

<p>ALMATY. KAZINFORM &ndash; Almatyda&nbsp; bıyl uzyndyǵy 250 shaqyrym 274 kósheni ortasha jóndeý josparda. Qalanyń kóshe-jol jelisiniń jalpy uzyndyǵy &ndash; 3097 shaqyrym. Joldardyń jaqsy jáne qanaǵattanarlyq jaǵdaıdaǵy úlesin osy jyly 92 paıyzǵa jetkizý kózdelgen.</p>

Qalalyq mobıldilik basqarmasy málim etkendeı, jumystar jazda bastalady. Bul rette 20 magıstraldy kósheni jóndeý 25 tamyzǵa deıin, al aýdandyq kóshelerdi jóndeý qazan aıynyń sońyna deıin aıaqtaý josparda bar.

«Ár kóshe segmenttik qabattaǵy ýchaskelerge bólinedi. Ýchaskelerde merdigerlik uıymdar basshylarynyń baılanys aqparaty bar arnaıy stendter ornatylady. Barlyq smegmenttik qabattar týraly qala turǵyndaryna BAQ jáne áleýmettik jeliler arqyly habarlanatyn bolady, sondaı-aq jóndeletin ýchaskeler «2GIS» jáne «ıAndeks kartalar» servısterinde kórsetiledi», - dep habarlady basqarmadan.

Joldardaǵy qaýipsizdikti arttyrý maqsatynda ortasha jóndeý aıasynda qosymsha qaýipsiz oryndar men jaıaý júrginshiler ótkelderi qurylatyn bolady. Trotýarlar men isten shyqqan aryq naýalaryn jóndeý josparlanǵan. Frezerlengen materıal qaıta paıdalaný úshin aýdan ákimdikterine beriledi. Aıta keterligi, ótken jyly pılottyq rejımde qalanyń 15 magıstraldyq kóshesinde jóndeý kezinde jolǵa jáne jaryqqa tózimdilikti arttyrýǵa baǵyttalǵan polımerasfaltobeton paıdalanyldy.

«Mundaı qospalar tozýǵa tózimdi, jumsartý temperatýrasy joǵary (65-70°C), sondyqtan ystyqqa kóp áser etpesten ońaı tótep bere alady, áldeqaıda uzaǵyraq qyzmet etedi – qazirgi 5 jyl jumys isteýdiń ornyna 8-10 jyl. Osy jyly bul tájirıbe jalǵasatyn bolady. Máselen, polımerasfaltbetondy uzyndyǵy 57 shaqyrym bolatyn 20 magıstraldy kósheni jáne aýdandyq mańyzy bar uzyndyǵy 19 shaqyrym 12 kósheni jóndeý kezinde qoldaný josparlanyp otyr»,- dep atap ótti ákimdikten.

Esterińizge sala keteıik, megapolıs turǵyndaryna yńǵaıly bolý úshin jol ınfraqurylymyna arnalǵan arnaıy Telegram-arnanyń @AlmatyJolybot chat-boty iske qosyldy. Ol arqyly qala turǵyndary qala joldaryndaǵy shuńqyrlardy joıýǵa ótinish bere alady.