Almatyda jol qurylysy boıynsha 754 mln teńgeniń zańbuzýshylyqtary anyqtaldy

<p>ALMATY. KAZINFORM - Almaty qalasynyń prokýratýrasy Bas prokýratýramen birlesip avtomobıl joldaryn salý, qaıta jańartý, jóndeý kezindegi memlekettik satyp alý jáne jol qozǵalysy boıynsha qalalyq josparlaý jáne ýrbanıstıka basqarmasyna tekserý júrgizdi.</p>

Tekserý nátıjeleri boıynsha qurylys jáne kúrdeli jóndeý kezinde paıdalanylatyn avtomobıl joldaryn ortasha jóndeýge smetalyq normany jáne baǵalaýdy negizsiz qoldaný, sondaı-aq jetkizýshiler asfalttyń tyǵyzdyǵyna áser etken asfaltty tolyqtaı salmaǵany anyqtaldy.

Anyqtalǵan zańbuzýshylyqtardy joıý maqsatynda Almaty qalasynyń Qalalyq mobıldilik basqarmasyna qadaǵalaý aktisi engizildi, ony oryndaý úshin basqarma, jetkizýshilerden bıýdjet qarajatyn óteý jóninde talap-aryz jumystarymen qamtamasyz etti.

«Osylaısha, osy jyldyń sáýir aıynda Joǵarǵy Sottyń qaýlysymen jetkizýshilerden 754 mln teńge óndirildi», - dep habarlady Almaty qalasynyń prokýratýrasy. 

Eske salsaq, buǵan deıin Almatyda mańyndaǵy toıda myltyq atqandar izdestirilip jatqanyn jazǵan edik.