Almatyda jol-kólik oqıǵasynyń saldarynan biraz turǵyn gazdan ajyratyldy

<p>ALMATY. KAZINFORM &ndash; Almatyda jeńil kólik gaz qubyrynyń tiregine soǵyldy. Áleýmettik jelide jol-kólik oqıǵasynyń <a href="https://www.instagram.com/p/C-4TP5EIamM/?igsh=MTlhMXp1dnVsdzR1cA==" target="_blank" rel="noopener">beınejazbasy</a> tarady.</p>

Polıtsııa departamentiniń málimetine sáıkes, LiXiang kóliginiń júrgizýshisi Ospanov kóshesimen shyǵys baǵytta kele jatyp Subaru kóligimen soqtyǵysqan jáne ári qaraı gaz qubyrynyń tiregine soǵylǵan. Oqıǵa saldarynan Subaru júrgizýshisi medıtsınalyq kómekke júgindi. Qazirgi ýaqytta Medeý aýdandyq polıtsııa basqarmasy jol-kólik oqıǵasyna baılanysty tergeý júrgizip jatyr.

Al «Qazaqgaz Aimaq» AQ baspasóz qyzmeti oqıǵa ornynda kezekshi brıgada jumys istep jatqanyn habarlady.

— 20 tamyz kúni Medeý aýdany Ospanov kóshesi boıynda bolǵan jol-kólik oqıǵasynyń saldarynan ortasha qysymdy gaz qubyrynyń tiregi zaqymdandy. Avarııalyq-qalpyna keltirý jumystaryn júrgizý kezinde qaýipsizdikti qamtamasyz etý úshin tutynýshylarynyń bir bóligi gazdan ajyratyldy. Oqıǵa ornynda kezekshi brıgada aqaýlardy tez arada joıýǵa kiristi. 8 maman men 3 birlik arnaıy tehnıka jumyldyryldy. Jóndeý-qalpyna keltirý jáne iske qosý-jóndeý jumystaryn jedeldetý máselesi Energetıka jáne sýmen jabdyqtaý basqarmasynyń baqylaýynda bolady, - dep habarlady «Qazaqgaz Aimaq».

Eske salaıyq, Almatyda jaryǵy joq kóshede mopedshi qorshaýǵa soǵylyp, qaıtys boldy.