Almatyda jol erejesin buzyp, 7 mıllıon aıyppul jınaǵan 19 jastaǵy júrgizýshi ustaldy

<p>ALMATY. KAZINFORM - Almatyda 19 jastaǵy júrgizýshi az ýaqyt ishinde 195 ret jol erejesin buzǵan. Ony tártip saqshylary qalanyń Medeý aýdanyndaǵy Dostyq dańǵyly boıynda ustady.&nbsp;</p>

Qazirgi ýaqytta kólik júrgizýshisi ákimshilik qamaqqa alynyp, onyń kóligi mamandandyrylǵan aıyppul turaǵyna qoıylǵan.

«Az ýaqyt ishinde jas kólik júrgizýshisi 195 ret jol erejesin buzǵan. Aıyppuldyń jalpy somasy shamamen 7 mıllıon teńge. Keı jaǵdaıda júrgizýshi jalǵan nómirdi paıdalanyp, kóliktiń jyldamdyǵyn 200 shaqyrymǵa deıin údetken. Kóliktiń ózi kórshi Qyrǵyzstanda tirkelgen. Sot qaýlysymen kólik júrgizýshisi ákimshilik qamaqqa alyndy, onyń kóligi mamandandyrylǵan aıyppul turaǵyna qoıyldy. Júrgizýshi barlyq aıyppulyn tolyǵymen tóleýge mindetti bolady», - dedi Almaty qalasy PD bastyǵynyń orynbasary, polıtsııa polkovnıgi Nurlan Amanbek.

Eske salaıyq, buǵan deıin 9 aıda jol apatynan 1700-den astam adam qaza tapqanyn jazǵanbyz.