Almatyda jylý jelileriniń 63 paıyzy tozǵan

<p>ALMATY. KAZINFORM &mdash; Almatyda 2025 jyly jylý jáne elektrmen jabdyqtaý jelilerin aýqymdy jańǵyrtý josparlanyp otyr.</p>

Almatynyń Energetıka jáne sýmen jabdyqtaý basqarmasynyń málimetinshe, 2024 jyly qalada 20 shaqyrym jylýmen jabdyqtaý jelileri, 220 shaqyrym elektrmen jabdyqtaý jelileri jańartylyp, 85 qazandyq qaıta quryldy. Bul sharalar jylý berý tıimdiligin arttyrdy.

Foto: Almaty ákimdigi

Bıyl aýqymdy mindetter josparlanǵan. Atap aıtqanda, 40 km jylýmen jabdyqtaý jelilerin jáne 240 km elektrmen jabdyqtaý jelilerin jańǵyrtý, sondaı-aq 21 qazandyqty qaıta jańartý josparlanǵan. Qabyldanatyn sharalar ınfraqurylymnyń tozýyn edáýir tómendetýge múmkindik beredi.

— 2024-2025 jyldary jylýmen jabdyqtaý jelileriniń tozýy 3,8%-ǵa tómendep, 54,1% bolsa, elektrmen jabdyqtaý jelileriniń tozýy 1,7%-ǵa azaıyp, 63,3%-ǵa jetedi.

Foto: Almaty ákimdigi

Osyǵan deıin Almatynyń Bostandyq aýdanyna qarasty Nazarbaev dańǵyly boıynda jylý qubyry jarylǵany týraly jazǵan edik.