Almatyda jylytý maýsymy bastaldy

<p>Almatyda áleýmettik nysandarǵa búginnen bastap jylý berile bastady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Almaty jylý jelileri» mekemesinen málim etkendeı, medıtsına, bilim mekemeleri men ózge de áleýmettik nysandarǵa 10 qazannan bastap kezeń-kezeńimen jylý beriledi.

«Birinshi kezekte áleýmettik nysandardy jylý júıesine qosý josparlanǵan. Mundaı sheshim osy uıymdardyń jumys ereksheligin eskere otyryp qabyldandy. Jańa jylytý maýsymynyń bastalýy meteorologııalyq boljam men Almatydaǵy aýa raıynyń kúndelikti monıtorıngi negizinde aıqyndalady» dep atap ótti «Almaty jylý jelileri» mekemesinen.

Tutynýshylarǵa jylý berý mynadaı kezekpen júrgiziledi:

— balalar, emdeý, mektep mekemesi, kásiptik mektepter, medıtsınalyq-áleýmettik mekemeler:

— turǵyn úıler, jataqhanalar, qonaq úıler;

— ákimshilik ǵımarattar, oqý oryndary, teatrlar;

— basqa da ǵımarattar.

«Almaty jylý jelileri» jylýdy turǵyn úı basqarý organdaryna deıin jetkizedi, ári qaraı ár úıdiń daıyndyǵyna solar jaýapty. Tutynýshylardy jylýmen jabdyqtaýdyń ishki júıesine qyzmet kórsetetin apattyq (servıstik) qyzmetter — PIK, MIB apattyq jaǵdaı bolmasa, jylý berýdi óz betinshe oryndaýy kerek nemese osy qyzmetti oryndaıtyn mekemeni jaldaýǵa tıis» delingen habarlamada.