Almatyda jylyna 550 myń tonna qatty turmystyq qaldyqtar óńdeledi

<p>ALMATY. KAZINFORM &mdash; Almaty ákimdigi qatty turmystyq qaldyqtardy jınaý jáne shyǵarý úshin ınfraqurylymdy sapaly jańǵyrtý jumystaryn jalǵastyryp jatyr.</p>

— 2024 jyly Almatyda konteınerlik alańdardy jańǵyrtý jáne eski metall konteınerlerdi zamanaýı plastıkalyq tereńdetilgen modelderge aýystyrý boıynsha belsendi jumystar júrgizildi. Bul 3 tekshe metr konteınerler otqa tózimdi jáne ylǵaldan qorǵaıtyn materıaldardan jasalǵan. Olardyń artyqshylyǵy-germetıkaly jáne qańǵybas ıtter men qustar kire almaıdy. Sondaı-aq, tereńdetilgen konteınerler jaǵymsyz ıisti taratpaıdy ári estetıkaly,— dep habarlady qalalyq ákimdikten.

Foto: Almaty ákimdigi

Qazir qalada 1 454 qatty turmystyq qaldyqtardy jınaýǵa arnalǵan alań ornatyldy, onyń 287 – i tereńdetilgen.

— Ekologııalyq mádenıetti damytý maqsatynda Almatyda Ecosen jáne Ekohab Econetwork ekostantsııalaryn qosa alǵanda, qaıtalama shıkizatty qabyldaýdyń 8 keshendi pýnkti jumys isteıdi. Qaldyqtardyń «qurǵaq» fraktsııalaryn jınaý úshin 1300-den astam torly konteınerler ornatyldy, jyl basynan beri plastıkalyq jáne alıýmınıı sýsyn bankalaryn qabyldaýǵa arnalǵan 53 fandomat iske qosyldy,— dep atap ótti ákimdikten.

Qoqys suryptaý kesheni jylyna 550 myń tonnaǵa deıin qaldyqtardy óńdeıdi. 2024 jyldyń 11 aıynda qaldyqtardyń 15,2% qaıta óńdeldi, bul 74 637 tonna qaıtalama shıkizatqa sáıkes keledi.

Foto: Almaty ákimdigi

Jalpy, qala aýmaǵynda turǵyndardan QTQ jınaý jáne áketý boıynsha 100% qamtý qamtamasyz etilgen. Qaldyqtardy shyǵarý boıynsha qyzmetterdi 21 qoqys shyǵarýshy uıym usynady. Barlyǵy 283 arnaıy tehnıka jumyldyryldy.

Osyǵan deıin aldaǵy jyldary 2000-nan astam qoqys konteıneri jańartylatyny týraly jazǵan edik.