Almatyda azyq-túlik baǵasyn turaqtandyrý úshin bıýdjetten 15 mlrd teńge bólingen

<p>Bıyl Almatyda áleýmettik nannyń baǵasy ósken joq. Sondaı-aq jyl sońyna deıin nan baǵasynyń óspeıdi. Bul týraly óńirlik kommýnıkatsııalar qyzmeti alańynda Almaty qalasy ákiminiń orynbasary Álisher Ábdiqadyrov aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Qazir nannyń bir bólkesi 100 teńgeden aspaıdy,biraq, ár óndirýshiniń óz tujyrymy bar. Bizde nan baǵasynyń ary qaraı ósýine jol bermeý úshin Aýyl sharýashylyǵy mınıstrligimen birlesip qalanyń un tartý kásiporyndaryna 9,4 myń tonna astyq jetkizý pysyqtaldy. Bul turaqty baǵany saqtap, ony qamtamasyz etýge múmkindik beredi", - dedi spıker jýrnalısterdiń suraqtaryna jaýap bere otyryp

Ol áleýmettik mańyzy bar azyq-túlik taýarlarynyń baǵasyn turaqtandyrý úshin jergilikti bıýdjetten 15 mlrd teńge bólingenin atap ótti

«Bul qarajattyń 70% - y aýyl sharýashylyǵy taýaryn óndirýshiler men qaıta óńdeýshilerge bólinedi, olar bizdiń soltústik óńirlerimiz - Qaraǵandy, Pavlodar oblystary. Bul kartop pen sábizge qatysty, al pııaz ben qyryqqabat boıynsha ońtústik óńirler - Túrkistan, Almaty, Jambyl oblystarymen jumys isteımiz. Jumyrtqa, sıyr eti, kúrish boıynsha da merdigerlermen sharttar jasaldy. Biz olarmen baǵany uzaq merzimge bekitemiz. Tıisinshe, bizde qarasha aıynda azyq-túlik ınflıatsııasy tómendep, onyń qarqyny baıaýlady", - dedi Álisher Ábdiqadyrov.