Almatyda jyl sońyna deıin 6 myńǵa jýyq otbasy baspanaly bolady
«Jyl sońyna deıin memlekettik baǵdarlamalar boıynsha keminde 5 787 otbasyn turǵyn úımen qamtý josparda. Onyń ishinde kommýnaldyq turǵyn úı qorynan 185 kópbalaly otbasy, 216 halyqtyń áleýmettik osal toptarynyń ókilderi jáne 1050 jumys isteıtin jastar arendalyq baspana alady.
Onyń aıtýynsha, halyqtyń áleýmettik osal toptary úshin 2 myń jaldamaly páter qarastyrylǵan. Qazirgi ýaqytta olardy satyp alý boıynsha is-sharalar júrgizilýde. «Almaty jastary» baǵdarlamasy boıynsha kezekte turǵandar úshin 1236 otbasy nesıelik baspana alsa, kem degende 1100 otbasy úımen qamtamasyz etiledi.
«Kommýnaldyq turǵyn úı qorynan jalǵa beriletin baspana turǵandarǵa kezek tártibimen ǵana beriledi. Onyń ashyqtyǵyn aıqyndaý úshin biryńǵaı respýblıkalyq elektrondyq derekter bazasy, ıaǵnı elektrondyq kezek qoldanylady. Sondaı-aq turǵyn úıge kezekte turǵan azamattar kezekke qoıylǵan kúnine qaramastan erikti sıpattaǵy «Shańyraq» jáne «Baqytty otbasy» sııaqty jeńildetilgen nesıelik baǵdarlamalarǵa qatysýǵa quqyly. Baǵdarlama operatory – Otbasy Banki», - dedi basqarma basshysy.
Spıkerdiń sózinshe, búginde megapolıste turǵyn úı kezeginde 41 885 azamat tur. Onyń 2 417-si – jetim balalar, 6 378 kópbalaly otbasy, 18 690 adam – halyqtyń áleýmettik osal tobynan shyqqandar, 14 399-sy – bıýdjettik uıymdardyń qyzmetkerleri jáne 1 turǵyn úıi apatty dep tanylǵan azamat.
Almaty qalalyq kommýnaldyq ınfraqurylymdy damytý basqarmasynyń basshysy Danııar Qyryqbaev kommýnaldyq qyzmetke de toqtalyp ótti.
«Qalanyń kóshe-jol jelisin tazartý jumystaryn 10 merdiger uıym júzege asyrady. Onyń jalpy kólemi – 25 mln sharshy metr. Atalǵan aýmaqtyń 70 paıyzyn nemese 16,5 mln sharshy metrin «Almaty Tazalyq» kásiporny jınaıdy. Qalaǵa kommýnaldyq qyzmet kórsetý úshin 1 007 birlik arnaıy tehnıka jáne 1 240 jol jumysshysy tartylady. Kúndizgi ýaqytta kóshelerdi tazalaýǵa shamamen 600 tehnıka men 1 008 jol jumysshysy shyǵady», - dedi ol.
Aıtýynsha, qala aýmaǵyn jınaý boıynsha eńbek ónimdiligin arttyrý maqsatynda qol eńbegin mehanıkalandyrylǵan tazalaýǵa kezeń-kezeńimen aýystyrý josparlanyp otyr.
«Jumystardy júrgizýdiń sapasy men jedeldigin jaqsartý úshin, ásirese qysqy kezeńde, Almaty qalasy ákiminiń tapsyrmasy boıynsha «Almaty tazalyq» kásiporny úshin 101 birlik arnaıy tehnıka satyp alyndy. Onyń ishinde qalany damytýyń 2025 jylǵa deıingi baǵdarlamasyn iske asyrý jáne 2030 jylǵa deıingi «aýa sapasyn jaqsartý», «qolaıly qorshaǵan orta» boıynsha jol kartasyn oryndaý úshin, 18 kópfýnktsıonaldy elektr tartqyshy bar trotýar-jınaý mashınalary satyp alyndy», - dedi Danııar Qyryqbaev.
Budan bólek, «Almaty tazalyq» qarajaty esebinen jol jumysshylaryn tasymaldaýǵa arnalǵan 3 avtobýs jáne kanal jýý jabdyǵy bar aralas tehnıka satyp alyndy.
«2023-2024 jyldardaǵy qysqy kezeńde jumys isteý úshin 818 tehnıka daıyndaldy. Áýezov aýdandyq ýchaskesiniń qum bazasynyń aýmaǵynda qýaty táýligine 1 200 tekshe metr qar eritý pýnktin salý josparlanyp otyr. Qala aýmaǵyn deratızatsııalaý boıynsha ekinshi kúzgi kezeńniń jumystary aıaqtaldy. Jyl saıyn aýmaqty qoqystan tazartý jáne aǵash otyrǵyzý boıynsha qalalyq senbilikter júıeli túrde ótkizilip otyrady», - dep atap ótti spıker.
Sonymen qatar ol qaladaǵy lıftterdiń tehnıkalyq jaǵdaıy týraly aıtty.
«Qalada 12 836 lıft jumys isteıdi, onyń 6 885 birligi qalanyń turǵyn úı qorynda. Aıta keterligi, Qazaqstan Prezıdentiniń 2021 jylǵy 17 naýryzdaǵy Almaty qalasyn áleýmettik-ekonomıkalyq damytý jónindegi keńeste bergen tapsyrmasyna sáıkes jańartý máselesi, eskirgen lıft parkiniń úlesi tómendedi. Bıyl 86 kópqabatty turǵyn úıde 155 lıft jabdyǵyn aýystyrý josparlanǵan. Sondaı-aq lıftterdi rekonstrýktsııalaý, jańǵyrtý jáne konservatsııalaý boıynsha 5 joba kelisildi», - dep atap ótti ol.
Megapolıste 900-ge jýyq basqarý organdaryna qyzmet kórsetetin 8 879 kópqabatty turǵyn úı bar.
«Turǵyn úı kommýnaldyq sharýashylyǵyn reformasyn iske asyrý úshin biz jol qalalyq kartasyn bekittik, 300-ge jýyq kezdesý ótkizdik. Sondaı-aq 4500-ge jýyq turǵynǵa Call-tsentr arqyly keńes berildi. Búgingi tańda 1 441 páter ıeleriniń birlestigi tirkeldi jáne 4 672 qarapaıym seriktestik tańdaldy. Barlyǵy 6 113 jańa basqarý nysany 6 600 kópqabatty turǵyn úı qamtyldy», - dep tolyqtyrdy basqarma basshysy.
Sonymen qatar ol Almatyda 2023 - 2029 jyldarǵa arnalǵan «Nurly jer» memlekettik baǵdarlamasy aıasynda turǵyndar kondomınıým obektisiniń ortaq múlkine 8 jyldan 15 jylǵa deıingi qaıtarymdy negizde kúrdeli jóndeýdi júzege asyra alatynyn tilge tıek etti.
«Almaty Turǵyn úı» JShS 2023 jyly 100 kópqabatty turǵyn úıde jóndeýdi aıaqtaýdy josparlaǵan bolatyn. Búgingi kúni 86 kópqabatty turǵyn úıde jumystar aıaqtaldy. Qalǵan 14 kópqabatty turǵyn úıde jóndeý jumystary áli júrgizilip jatyr», - dedi ol.