Almatyda jyl basynan beri 31 myńnan astam jas jumysqa ornalasty

<p>ALMATY. KAZINFORM &mdash; Almatyda jastar arasyndaǵy jumyssyzdyq deńgeıi tómendedi. Bul týraly óńirlik kommýnıkatsııalar qyzmetinde ótken baspasóz máslıhatynda jastar saıasaty basqarmasy basshysynyń mindetin ýaqytsha atqarýshy Azız Qajdenbek aıtty.&nbsp;</p>

«2023 jyly qalalyq mansap ortalyǵy ashyldy. Іske qosylǵan sátten bastap oǵan 4 myńnan astam jas júgindi. Ortalyq 3 myń adamdy jumysqa ornalasýǵa kómektesti. Qajetti 33 mamandyq boıynsha qysqa merzimdi kýrs iske qosyldy. 2024 jyldyń basynan beri 4100 jas oqýdan ótti, onyń 2,9 myńy jumysqa ornalastyryldy, al 1,2 myńy taǵylymdamadan ótip jatyr», - dedi Azız Qajdenbek.

Aıtýynsha, «Jasyl el» ulttyq jobasy aıasynda 1,2 myń jas ýaqytsha jumysqa tartyldy. Kúzge deıin taǵy 2100 adamdy eńbekpen qamtý kózdelgen.

Osylaısha, 2024 jyldyń qańtar aıynan beri 31,3 myń jas jumysqa ornalastyryldy, onyń ishinde turaqty – 24,5 myń, ýaqytsha – 6,8 myń.

Osyǵan deıin spıker Almatyda jataqhana problemasy qalaı sheshilip jatqany týraly aıtqan edi.