Almatyda jyl basynan beri 180-ge jýyq adam koronavırýspen aýyrdy

<p>ALMATY. KAZINFORM &mdash; Almaty qalasynda koronavırýs ınfektsııasy boıynsha epıdemıologııalyq jaǵdaı turaqty. Sońǵy 7 kúnde juqtyrǵandar sany 0,9% tómendegen.&nbsp;</p>

Almaty qalalyq sanıtarııalyq-epıdemıologııalyq baqylaý departamenti basshysynyń orynbasary Ásel Qalyqovanyń aıtýynsha, megapolıste jyl basynan beri 179 adam koronavırýspen aýyrǵan.  

Onyń ishinde 14 jasqa deıingi balalar arasynda 29 jaǵdaı tirkeldi.

«COVID-19 jaǵdaılarynyń táýliktik ósýi bir apta buryn 0,002%-dan 0,003% deıin ósti. 100 myń turǵynǵa shaqqandaǵy syrqattanýdyń aptalyq kórsetkishi 1,8-den 1,5-ke deıin tómendedi», — dedi Ásel Qalyqova.

Epıdemıolog koronavırýs ınfektsııanyń aldyn alý úshin qorǵanys betperdelerin kıip, adam kóp jınalatyn oryndarǵa barmaýǵa keńes berdi.

Buǵan deıin bas memlekettik sanıtar dáriger Aıjan Esmaǵambetova aýa-tamshy jolymen beriletin juqpaly aýrýlardyń aldyn alý sharalaryn kúsheıtý týraly tıisti qaýlyǵa qol qoıǵan edi.