Almatyda jyl basynan beri 20 myńǵa jýyq neke tirkeldi

<p>ALMATY. KAZINFORM &ndash; Jyl basynan beri neke sany boıynsha Almaty kósh bastap tur. 19 778 jup zańdy nekege turdy. Bul týraly &laquo;Azamattarǵa arnalǵan úkimet&raquo; memlekettik korporatsııasynan málimdedi.</p>

Qala boıynsha aýdandyq AHAT bólimderinde kúnine 160 qa jýyq jup nekesin qıdyryp zańdastyrady. Nekege ótinish bergen juptardyń ortasha jasy erler úshin 27 jas, áıelder úshin 25 jas.

– QR «Neke jáne otbasy týraly» Kodeksiniń 10-babyna sáıkes, neke jasy erkekter men áıelder úshin on segiz jas bolyp belgilengen. Dese de zań ortaq bala bolǵanda nemese júktilik kezinde bul jasty tómendetýge múmkindik beredi, – deıdi Áýezov aýdandyq AHAT bóliminiń basshysy Gúlzııa Baımbetova.

Sondaı-aq, Almatyda ajyrasýǵa ótinish bergenderdiń de sany azaımaı otyr. Jyl basynan beri 4429 jup nekesin buzǵan.

Ádette AHAT qyzmetkerleri erli-zaıyptylarǵa ajyraspas buryn 1 aı ýaqyt beredi.

– Kóbine ajyrasýǵa ótinishti jastar berip jatady. Ondaı kezde barynsha nekeni saqtap qalýǵa tyrysamyz, oılanýǵa ýaqyt beremiz. Ótinish bergen 10 juptyń, 3-4 juby qaıtyp kelmeıdi. Ol da bizdiń jumysymyzdyń jemisi dep esepteımiz, – dep atap ótti AHAT qyzmetkerleri.

Esterińizge salsa keteıik, neke qııý týraly ótinish 15 kúntizbelik kún buryn berilý kerek.

Atalmysh qyzmet elektrondy úkimet portaly nemese ekinshi deńgeıli bankterdiń qosymshalary arqyly onlaın rejıminde qoljetimdi. Jas jubaılar AHAT bóliminde nekelerin saltanatty túrde qııatyn bolsa, qosymsha qyzmetke tapsyrys bere alady.

Qazir bul pılotty joba Astana, Almaty, Shymkent, Aqtóbe, Qaraǵandy, Qyzylorda jáne Aqmola (Şýchınsk jáne Býrabaı) oblystarynda júzege asty.