Almatyda jerleý qyzmeti men marqumǵa bólinetin orynnyń baǵasy qansha

<p>Almatyda marqumdardy jerleý rásimi aqyly ári zırattarda marqumdarǵa bólinetin oryndardyń baǵasy ósken. Bul týraly áleýmettik jelide Almaty turǵyny jazdy, dep habarlaıdy <a href="Kazinform" target="_blank" rel="noopener">Kazinform</a>.</p>

 

Qala turǵynynyń aıtýynsha, ol 2006 jyly alǵash ret marqumdy jerleý rásimin kórgen.

«Jerleý rásimin alǵash ret 2006 jyly qurbymnyń ákesi qaıtys bolǵan kezde kórdim. Biz ony jerleıtin oryndy tabý úshin Boraldaıǵa bardyq. Zırat ákimshiliniń ókili munda bir oryn 300 dollar, eki oryn 500 dollar turatynyn aıtty, tegin jer týraly áńgime de bolǵan joq. 2020 jyly meniń ákem qaıtys boldy.. Ákemdi jerlegen soń, Facebook-te men marqumdy jerleýge qazir kóp qarjy ketetini týraly kóp post oqydym», - dep jazdy qala turǵyny.

Atalǵan másele boıynsha Almaty ákimdigine saýal joldaǵan edik. Ákimdiktiń málimetinshe, QR Jer kodeksiniń 109-baby, 3-tarmaǵy boıynsha zırattar ornalasqan jáne olarǵa arnalǵan jalpy paıdalanymdaǵy jerlerden kenttiń árbir qaıtys bolǵan turǵynyna nemese osy kentte qaıtys bolǵan turǵylyqty jeri joq adamǵa jerleý úshin keminde alty sharshy metr jer telimi tegin bólinedi.

«ıAǵnı, Qazaqstannyń kez kelgen azamaty qaıtys bolǵan jaǵdaıda, memleket jerleýge jer telimin berý quqyǵyna kepildik beredi. Erejege sáıkes jerleýge jer bólý úshin ólim faktisin tirkeıtin organdar beretin medıtsınalyq kýálandyrý negiz bolyp tabylady. Óz kezeginde "Almaty qalasynyń mamandandyrylǵan salttyq qyzmet kórsetý kombınaty" JShS belgilengen tártippen bekitilgen preıskýrantqa sáıkes, sondaı-aq, QR-nyń qoldanystaǵy sanıtarlyq normalary men erejelerine sáıkes salttyq qyzmetter kórsetedi. Búgingi kúni Almaty qalasynda 9 zırat bar, onyń ishine "Keńsaı - 2", "Batys" (Boraldaı) zırattary da kiredi, onda jerleý úshin bos jer ýchaskeleri bar», - dep habarlady ákimdikten.

Ákimidk, sondaı-aq aqshany bopsalaý faktisi bolǵan jaǵdaıda, quqyq qorǵaý organdaryna júginýge bolatynyn eskertti.

«Odan bólek, seriktestik ákimshiligine kelesi telefon nómirleri arqyly habarlasýǵa bolady: 8 [phone] Almaty qalasy "MSQKK" JShS qabyldaý bólmesi, 8 [phone] Almaty qalasy "MSQKK" JShS ınjenerlik bólimi nemese Almaty qalasy, Qaıyrbekov kóshesi, 7-úıge kelip jolyǵýǵa bolady. Joǵaryda atalǵan derekter boıynsha seriktestik basshylyǵy jaýapsyz qyzmetkerlerge qatysty túbegeıli sharalar qabyldap jatyr, sondaı-aq, keıbir qyzmetkerler buryn atalǵan faktiler boıynsha qylmystyq jaýapqa tartylǵanyn málimdeımiz», - dep jazdy Almaty ákimdigi.