Almatyda jer úıden órt shyǵyp, eki adam qaza tapty

<p>ALMATY. KAZINFORM &ndash; Almatyda jer úıdiń janyndaǵy ýaqytsha baspanadan (vremıanka) órt shyqty. Qutqarýshylar ol jerden eki adamnyń máıitin tapty.</p>

Almaty qalasy Tótenshe jaǵdaılar departamentiniń málimetinshe, órt 20 aqpan kúni saǵat 3:43-te Sh.Murtaza kóshesi, 29-úıde bolǵan.

Órt sóndirýshiler atalǵan mekenjaıǵa jeti mınýtta jetken. Olar kelgen boıda ýaqytsha baspananyń 15 sharshy metri janyp, tóbesi opyrylyp qulap túsken.

«Órttiń jaqyn ornalasqan úıge taralý qaýpi týyndady. Qyzyl jalyn 03:54-te oqshaýlanyp, 04: 03-te sóndirildi. Órtti sóndirý barysynda eki adamnyń denesi tabyldy. Aldyn ala aqparat boıynsha baspana jalǵa berilgen. Órt faktisi boıynsha materıaldar is júrgizý sheshimin odan ári júrgizý úshin Medeý aýdany PB janyndaǵy polıtsııa bólimine berildi», - delingen habarlamada.

Mamandar janyndaǵy jeke turǵyn úıdi órtten saqtap qaldy.