Almatyda jer silkinisinen keıingi dúmpýler qansha ýaqytqa sozylýy múmkin

<p>ALMATY. KAZINFORM — Ulttyq seısmologııalyq baqylaýlar men zertteýler ǵylymı ortalyǵynyń dırektory Dáýlet Sársenbaev jer silkinisinen keıingi dúmpýler qansha ýaqytqa sozylatynyn aıtty.</p>

Spıker Qyrǵyzstan men Qytaı aýmaǵynda bolǵan seısmıkalyq oqıǵadan keıin 100-den astam aftershok tirkelgenin, almatylyqtar 5-ten astam jer silkinisin sezingenin atap ótti.

«Mysaly, Túrkııa men Sırııadaǵy byltyrǵy jer silkinisinen keıin after dúmpýler áli de bolyp jatyr. Bul týraly jańalyqtardan da oqyp jatyrsyzdar. Joıqyn silkinis kútile me degenge kelsek, joq. Kúshti jer silkinisi bolmaıdy dep 100% aıta alamyn. Olar álsireıdi, joǵalady. Eshqandaı qaýip joq», — dep jaýap berdi seısmolog.

Sondaı-aq ol qala turǵyndaryn jerasty dúmpýin sezse, nusqaýǵa sáıkes áreket etýge shaqyrdy.