Almatyda jer silkinisi kezinde dúrbeleńge jol bergen birqatar basshy qatań jaýapqa tartyldy

<p>ASTANA. KAZINFORM &ndash; Almaty qalasyndaǵy jer silkinisi kezinde tıisti áreket etpegen Tótenshe jaǵdaılar mınıstrligi men qalalyq Tótenshe jaǵdaılar departamentiniń birqatar laýazymdy tulǵalary jaýapqa tartyldy.</p>

 «Almaty qalasynda jer silkinisi kezinde bólimshelerdiń tıisinshe áreket etpeý faktisi boıynsha Tótenshe jaǵdaılar mınıstrligi júrgizgen qyzmettik tergeý nátıjesinde 14 qyzmetker qatań jaýapqa tartyldy. Onyń ishinde mınıstrliktiń 4 basshysy, sondaı-aq olardyń 5 orynbasary, 1 vedomstvolyq baǵynysty uıymnyń basshysy, aýmaqtyq bólimsheniń basshysy jáne onyń orynbasary bar», - delingen TJM baspasóz qyzmeti taratqan habarlamada. 

Sondaı-aq, onda Tótenshe jaǵdaılar mınıstrligi men Tótenshe jaǵdaılar departamentiniń 2 basshysyna qatysty jaýapkershilik erterek óndirip alýmen shektelgeni jazylǵan. 

Aıta ketsek, buǵan deıin Almaty qalasyndaǵy jer silkinisi kezinde durys áreket etpegeni úshin TJM-de qyzmettik tergeý júretini aıtylǵan edi.

Eske sala keteıik, qańtar aıynan beri Almaty turǵyndary jer silkingenin jıi sezip keledi. 

Sondaı-aq, seısmologııalyq baqylaý jáne zertteý ulttyq ǵylymı ortalyǵy bıyl Qazaqstan aýmaǵynda joıqyn jer silkinisi bolmaıtynyn jetkizdi.