Almatyda jer silkinisi bolǵan jaǵdaıda zardap shekkenderge arnalǵan shatyrly qala bolady
«Memleket basshysynyń tapsyrmasy boıynsha seısmıkalyq qaýipsizdikti qamtamasyz etý tásilderi qaıta qaraldy. Birinshi kezekte halyqty habarlandyrý jáne jer silkinisi kezindegi is-áreketterdi oqytý júıesi pysyqtaldy. Keleshekte seısmologııalyq stantsııalar jelisin jańǵyrtyp, keńeıtemiz. Almatyda mınıstrliktiń jedel maqsattaǵy «Alataý» ońtústik bazasy quryldy. Onyń aýmaǵynda joıqyn jer silkinisi bolǵan jaǵdaıda zardap shekkenderge arnalǵan shatyrly qala ornalastyrylady, alań daıyn. Sondaı-aq gýmanıtarlyq kómekti qabyldaý pýnktteri jáne basqa da qajetti qosymsha qurylystar bolady», - dedi Shyńǵys Árinov.
Onyń atap ótýinshe, memlekettik materıaldyq rezervti qalyptastyrý tásilderi qaıta qaraldy. Nomenklatýrada keńestik kezeńdegi taýarlar álemdik standarttarǵa aýystyryldy. Tizimge alǵash ret zardap shekken halyqqa arnalǵan medıtsınalyq chemodandar men evakýatsııalyq rıýkzaktar engizildi.