Almatyda Jer qatynastary basqarmasynyń burynǵy basshysy qamaldy

<p>Almaty Jer qatynastary basqarmasynyń burynǵy basshysy jemqorlyq jasady degen kúdikke ilindi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Sybaılas jemqorlyqqa qarsy qyzmetpen jasyryn is-sharalar men jemqorlyq táýekelderin syrtqy taldaý nátıjeleri boıynsha Almaty qalasy Jer qatynastary basqarmasynyń burynǵy basshysynyń áreketi áshkerelendi.

«Ol ınvestıtsııalyq jobalardy iske asyrý syltaýymen jeke tulǵalarǵa memlekettik jer qorynan jer ýchaskelerin tómen baǵamen zańsyz ıemdenýge járdemdesti degen kúdikke ilindi. Sheneýniktiń áreketi nátıjesinde memleketke jalpy somasy 180 000 000 teńgege zalal keltirildi», - dep habarlady Sybaılas jemqorlyqqa qarsy is-qımyl agenttiginiń baspasóz qyzmeti.

Sottyń sanktsııasymen kúdikti qamaýǵa alyndy. Sotqa deıingi tergeý jalǵasyp jatyr.

Qylmystyq-protsestik kodeksiniń 201-babyna sáıkes tergeý múddesi úshin ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.