Almatyda «jeltoqsanshylarǵa» bir rettik tólemdi 250 myń teńgege ulǵaıtý usynyldy

<p>Almatyda kezekten tys sessııa barysynda máslıhat depýtattary &laquo;jeltoqsanshylarǵa&raquo; beriletin bir rettik tólemdi 250 myń teńgege ulǵaıtýdy usyndy, dep habarlaıdy <a href="Kazinform." target="_blank" rel="noopener">Kazinform.</a></p>

Depýtattardyń usynysyna Almaty qalasy ákiminiń orynbasary Arman Qyryqbaev jaýap berdi. 

«Bul jospar kelesi jyly qaralatyn bolǵan. Alaıda, Almaty ákimi Erbolat Dosaevtyń tapsyrmasy boıynsha qarjyny únemdeý esebinen jáne «Táýelsizdik kúni» qarsańynda bıyl «jeltoqsanshylarǵa» tólemderdi uıymdastyrý múmkindigi qaraldy. Esterińizge salsaq, jyl saıyn 1986 jylǵy jeltoqsan oqıǵasyna qatysýshylar «Táýelsizdik kúnine» oraı 150 myń teńge tólem alyp keldi. Bıyl bul kómekti 702 adam alady», - dedi Arman Qyryqbaev. 

Aıta keteıik, búgingi kúni Almatyda 1986 jyly jeltoqsan oqıǵasyna qatysqan 670 adam turyp jatyr.