Almatyda jeke turǵyn úıdegi órtten 1 jastaǵy bala qaıtys boldy

<p>ALMATY. KAZINFORM - Almatynyń Jetisý aýdanynda túngi ýaqytta turǵyn úıdi jalyn sharpyp, saldarynan 2023 jylǵy bala qaıtys boldy.&nbsp;</p>

Qalalyq TJD málimetine sáıkes, 12 qyrkúıekte saǵat 23:32-de TJD kúshteri men quraldaryna Jetisý aýdany Noǵaıbaev kóshesinde jeke turǵyn úıdiń otqa oranǵany týraly habarlama kelip túsken. 

Oqıǵa ornyna 4 mınýtta (23:36) jetken órt sóndirýshiler aǵashtan salynǵan jeke úıdiń shatyry, sharýashylyq ǵımaraty jáne ýaqytsha salynǵan úı-jaı, barlyǵy - 200 sharshy metr aýmaqtyń otqa oranǵanyn anyqtaǵan.

- Tilsiz jaý joǵary órt júktemesiniń saldarynan tez taraǵan. Atap aıtqanda úıdiń qabyrǵalary men shatyr qabaty tez janǵysh materıaldardan (aǵashtan) jasalǵan. Oqıǵa ornynan 50 l. gazballon evakýatsııalanǵan. Órtti barlaý jáne sóndirý barysynda órt sóndirýshiler 2 adamdy qutqardy. 1994 jyly týǵan er adam jáne 1993 jyly týǵan áıel №4 qalalyq aýrýhanaǵa essiz kúıde jetkizildi. Ókinishke qaraı órt sóndirýshiler kelgenge deıin 2023 jyly týǵan bala qaıtys boldy, - dep habarlady TJD baspasóz qyzmeti.

Eske salaıyq, buǵan deıin Almaty mańynda avtobýs kópirden kóliktiń ústine qulaǵanyn jazǵanbyz.