Almatyda jeke sot oryndaýshysy lıtsenzııasynan aıyryldy

<p>ALMATY. KAZINFORM &ndash; Almatyda jeke sot oryndaýshysy áleýmettik mańyzdy sanattaǵy isterdiń óndirip alý baǵyty boıynsha birqatar zańbuzýshylyqqa jol bergen. Bul týraly qala prokýratýrasy málim etti.</p>

Vedomstvodan atap ótkendeı, alıment óndirip alýǵa baılanysty 6 atqarýshylyq is júrgizý kezinde zańbuzýshylyqtar anyqtaldy.

«Sot oryndaýshysy is júrgizýlerdi bir óńirden ekinshi óńirge negizsiz joldaı otyryp, jasandy jolmen sozǵan. Sondaı-aq, buǵattaýlardy zańsyz alyp tastaý, bereshekterdi óndirip alý boıynsha sharalardy ýaqtyly qabyldamaý jáne ýákiletti organdardyń talaptaryn elemeý jaǵdaılary anyqtaldy», – delingen prokýratýra habarlamasynda.

Alataý aýdany prokýratýrasynyń qadaǵalaý aktisi boıynsha Almaty qalalyq sotynyń qaýlysymen jeke sot oryndaýshysy memlekettik lıtsenzııasynan aıyryldy.

Osyǵan deıin qańtar oqıǵasy boıynsha jetkizilgen azamatty azaptaǵan polıtsııa qyzmetkeri sottalǵany týraly jazǵan edik.