Almatyda jaıaý júrginshiler jolaǵynan ótpek bolǵan zeınetkerdi avtobýs qaǵyp ketti

<p>ALMATY. KAZINFORM &ndash; Almatyda egde jastaǵy áıeldi jolaýshylar avtobýsy qaǵyp, mert qyldy. Qalalyq polıtsııa departamentiniń málimetinshe, jol apaty 11 sáýir Jangeldın-Áshimbaev kósheleriniń qıylysynda bolǵan.&nbsp;</p>

«76 jastaǵy áıeldiń ólimine qatysty jol apaty boıynsha qylmystyq is qozǵaldy. Zeınetker jaıaý júrginshiler jolynan ótip bara jatqan. Saraptama taǵaıyndaldy», - dep habarlady Almaty qalalyq polıtsııa departamentiniń baspasóz qyzmetinen. 

Buǵan deıin avtobýs júrgizýshisine judyryq jumsaǵan jolaýshynyń ustalǵany týraly jazǵan edik. 

Aıta keteıik, byltyr Almatyda №47-shi baǵyttaǵy qoǵamdyq kóliktiń ishinde jolaýshy janjal shyǵaryp, júrgizýshi áıeldi urǵan. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan bolatyn. Apat saldarynan 7 adam zardap shegip, 3 adam qaıtys boldy.