Almatyda jataqhanany jekeshelendiremin dep jalǵan ýáde bergen kúdikti ustaldy

<p>Kúdikti azamattardyń senimine kirip, almatylyqtarǵa aqshalaı syıaqy úshin jataqhanalaryn jekeshelendirip berýge ýáde etken.</p>

Ol jataqhanadaǵy páterlerdi satyp alyp, zańdastyrýdy, qajet bolǵan jaǵdaıda qoǵamdyq qor arqyly nesıe alýdy usynǵan. Biraq bul “qyzmetter” úshin aldymen aqy tóleý kerek boldy.

– Alaıaqtyq deregi boıynsha qylmystyq is tergelip jatyr. Kúdikti ustaldy jáne ýaqytsha ustaý ızolıatoryna qamaldy. Qazir tergeýshiler ustalǵan azamattyń osyǵan uqsas basqa da qylmysqa qatysy bar-joǵyn tekserip jatyr, – dedi Almaly aýdandyq polıtsııa basqarmasynyń bastyǵy Oljas Sháripov.

Polıtsııa qyzmetkerleri zardap shekkenderdiń kóp bolýy múmkin ekenin joqqa shyǵarmaıdy. Osyǵan baılanysty tártip saqshylary myna telefon nómirlerine habarlasýǵa shaqyrady: 8-702-646-43-46; 8-778-591-91-35 jáne 8-778-481-19-00.