Almatyda jastarǵa ekologııalyq bilim berý jobasy iske qosyldy

<p>ALMATY. KAZINFORM &mdash; &laquo;Almaty &ndash; bizdiń ortaq úıimiz&raquo; aktsııasy aıasynda óskeleń urpaqty tabıǵatqa jaýapkershilikpen qaraýǵa&nbsp; baǵyttalǵan tanymdyq joba iske qosyldy.</p>

«Jobaǵa qatysýshylar tájirıbeli gıdterdiń jetekshiligimen ekotýrızm negizderi boıynsha tegin oqýdan ótýge, aımaqtyń baı bıoártúrliligimen tanysýǵa jáne ony saqtaýdyń tıimdi ádisterin meńgerýge múmkindik alady», - dep habarlady ákimdikten.

Oqytý onlaın rejıminde aptasyna 3 ret 2 akademııalyq saǵattan júrgiziledi. Sondaı-aq kýrs baǵdarlamasy qatysýshylarǵa yńǵaıly ýaqytta óz betinshe oqýǵa arnalǵan «Ekologııalyq ómir salty», «Ekomarshrýttarda neni bilý jáne ne isteý kerek», «Tabıǵat jáne adamdar» atty úsh modýlden turady. 

Foto: Almaty ákimdigi

«Kýrsty aıaqtaǵannan keıin qatysýshylar tájirıbeli gıdterdiń jetekshiligimen 14 mamyrdan 30 shildege deıin úsh praktıkalyq oqý saparyna qatysa alady. Joba aıaqtalǵannan keıin qatysýshylar IRBIS ALMATY ekotýrıstik sertıfıkatyn alady, al olardyń úzdikteri 2024 jyldyń qyrkúıeginde ótetin týrıstik rallıde marapattalady», - dep habarlady ákimdikten.

«Almaty-2024» Alpınıada (turclub.kz) saıtynda tirkeý ashyq. Bastama ekologııalyq bilim, ekologııalyq menedjment jáne belsendi týrızm salasyndaǵy kúsh-jigerdi biriktirýge arnalǵan, onyń negizgi maqsaty qorshaǵan ortamen jaýapty jáne turaqty ózara árekettesýge ázir kóshbasshylardyń jańa býynyn daıyndaý.