Almatyda jasandy ıntellektiniń kómegimen júrekke ýltradybystyq zertteý júrgizildi

<p>Almaty qalalyq kardıologııa ortalyǵynda ozyq dıagnostıka jáne emdeý ádisteriniń negizderi sheńberinde &laquo;POCUS tujyrymdamasy: klınıkalyq tájirıbede qoldaný jáne mobıldi ýltradybystyq dıagnostıkada jasandy ıntellekti qoldanýdyń artyqshylyǵy&raquo; taqyrybynda sheberlik synyby ótti, dep habarlaıdy Kazinform.</p>

Іs-sharaǵa arnaıy shaqyrylǵan sheteldik dáriger Hatem Soliman Aboumarie (Royal Brompton and Harefield Hospitals, London, UK) qatysty. 

Almaty qalalyq qoǵamdyq densaýlyq saqtaý basrqarmasynyń málimetinshe, POCUS (Point-of-Care Ultrasound) tujyrymdamasy dárigerler naýqasty tekserý kezinde-aq, qosymsha ýltradybystyq dıagnostıkalyq protsedýraǵa joldamasyz, ózderi ýltradybystyq zertteý júrgizetin tásil bolyp tabylady. Mundaı tásil emdelýshiniń jaǵdaıyn yńǵaıly jáne jyldam baǵalaýǵa múmkindik beredi. Demek dıagnostıka ýaqyty qysqaryp, dereý emdeýdi bastaý múmkin bolady.

Foto: Almaty qalalyq qoǵamdyq densaýlyq saqtaý basqarmasy

"Bul tujyrymdamany klınıkalyq tájirıbede qoldaný birqatar aıqyn artyqshylyqqa ıe. Birinshiden, ol joǵary sapaly dıagnostıkanyń qol jetimdiligin jaqsartady ári dárigerlik qatelikterdiń yqtımaldyǵyn azaıtady. Dárigerler palatada, jedel járdemde ne shuǵyl kómek kórsetý bólimderinde naýqasqa ýltradybystyq zertteýdi tez ári tıimdi túrde júrgizip, naýqas ómirin saqtap qala alady", - deıdi Qalalyq kardıologııalyq ortalyq dırektory Roza Qýanyshbekova.

Sonymen qatar, mobıldi ýltradybystyq dıagnostıkada jasandy ıntellektini qoldanýdyń artyqshylyǵy ýltradybystyq zertteý arqyly jınalǵan úlken kólemdegi derekti óńdeý jáne taldaý kontekstinde aıqyn bolady. Mashınalyq oqytý jáne jasandy ıntellekt algorıtmderi alynǵan keskinderdi taldaýdy avtomattandyrý, nátıjelerdi ınterpretatsııalaý protsesin jeńildetý jáne dıagnostıkalyq dáldikti arttyrýǵa múmkindik beredi. Jasandy ıntellektini qoldaný sondaı-aq ýltradybystyq dıagnostıkany ártúrli mobıldi qurylǵylar men qosymshalarǵa biriktirýdi jeńildetedi.

«ıAǵnı, dıagnostıkalyq jáne emdeý protsesine qatysýshylar - basqa mamandyq dárigerleri, máselen, emdeýshi dáriger, medbıkeler ýltradybystyq zertteýdi paıdalana alady jáne júrgize alady. Mundaı sezbekter qurylǵynyń shaǵyn ólshemi men salmaǵyna baılanysty tótenshe jaǵdaı medıtsınasynda keńinen qoldanylady. Vızýaldy aqparatty smartfonǵa symsyz tasymaldaýdy paıdalaný, standartty ýltradybystyq apparatqa qaraǵanda tómen quny olardy tótenshe jaǵdaıda, onyń ishinde tabıǵı jáne tehnogendik apat kezinde paıdalanýdy jeńildetedi. Óz kezeginde biz jaqyn arada bul tájirıbeni bizdiń ortalyqta engizýdi josparlap otyrmyz», - deıdi Roza Qýanyshbekova.

Osylaısha, POCUS tujyrymdamasy mobıldi ýltradybystyq dıagnostıkada jasandy ıntellektini qoldanýmen birge naýqastyń jaǵdaıyn tez, dál jáne qoljetimdi dıagnostıkalaýǵa múmkindik beredi. Bul emdeý nátıjesin jaqsartýǵa jáne medıtsınalyq kómek alý ýaqytyn qysqartýǵa septigin tıgizedi. Jasandy ıntellektiń arqasynda aýrýdy dálirek anyqtaýǵa, onyń kezeńi men damýyn bilýge bolady.

Shara barysynda dárister oqylyp, portatıvti ýltradybystyq dıagnostıkalyq júıeni qoldaný arqyly júrek patologııasy bar naýqastarǵa zertteýler júrgizildi.

«Sheberlik sabaǵy qatysýshylardyń kásibı bilimin tolyqtyryp qana qoımaı, qalanyń medıtsına salasynyń damýyna zor úles qosty», - dep atap ótti qalalyq qoǵamdyq densaýlyq saqtaý basqarmasynda.