Almatyda jas jigitti trolleıbýs qaǵyp, mert qyldy

<p>ALMATY. KAZINFORM &ndash; Baıtursynov pen Tımırıazev kósheleriniń qıylysynda trolleıbýs jaıaý júrginshini qaǵyp ketti.</p>

Almaty qalalyq Polıtsııa departamentiniń málimetinshe, jol apaty búgin, 13 qańtar kúni saǵat 17:50-de Bostandyq aýdanynda boldy.

– №11-shi trolleıbýstyń júrgizýshisi Tımırıazev kóshesimen batys baǵytta Baıtursynov kóshesinen batysqa qaraı kele jatyp, jaıaý júrginshini, 2003 jyly týǵan jas jigitti qaǵyp ketken. Ókinishke qaraı, ol alǵan jaraqatynan oqıǵa ornynda kóz jumdy, – dedi Polıtsııanyń resmı ókili Saltanat Ázirbek.

Adam ólimine ákep soqtyrǵan adam jol apaty boıynsha qymystyq is qozǵaldy. Tıisti saraptamalar taǵaıyndaldy.

Osyǵan deıin Nissan kóliginiń júrgizýshisi Rysqulov dańǵylymen shyǵys baǵytta kele jatyp, joldy belgilenbegen jerden kesip ótken jaıaý júrginshini qaǵyp, mert qylǵan edi.