Almatyda jas jigit joq páterlerdi «jalǵa berdi» degen kúdikke ilindi

<p>ALMATY. KAZINFORM &mdash; Almatyda 26 jastaǵy jigit bes azamatty aldap úlgergen.</p>

Almaty qalalyq Polıtsııa departamentiniń málimetinshe, Bostandyq aýdandyq polıtsııa basqarmasyna bes jábirlenýshiden shaǵym túsken.

«Kúdikti ınternet jelisinde qala aýmaǵynda joq páterlerdi arzan baǵamen jalǵa berý týraly jarnama berip, jábirlenýshilerden elektrondyq tólem júıesi arqyly aldyn ala tólem alyp, odan ári uıaly telefonyn sóndirip tastaǵan. Qazir 26 jastaǵy kúdikti ustalyp, qamaýǵa alyndy. Kúdiktiniń Jetisý oblysynan kelgeni anyqtaldy», — dep atap ótti Bostandyq aýdandyq polıtsııa basqarmasynyń bastyǵy Dıdar Ahanov.

Atalǵan derek boıynsha qylmystyq is qozǵaldy. Tergeý amaldary júrgizilip jatyr.

QR Qylmystyq kodeksiniń 201-babyna sáıkes basqa aqparattar jarııalanbaıdy. 

Osyǵan deıin Almatyda meshit pen kompıýterlik klýbta telefon urlaǵan kúdiktiniń ustalǵany týraly jazǵan edik.