Almatyda jarylǵan qubyr jóndelip, turǵyndarǵa jylý jáne ystyq sý berildi
10:00, 24 Jeltoqsan 2024
<p>ALMATY. KAZINFORM – Bostandyq aýdanynda jarylǵan qubyr qalpyna keltirilip, úılerge jylý men ystyq sý qaıta berile bastady.</p>
Almaty jylý júıesi» mekemesiniń málimetinshe, apattyq brıgadasy 1984 jyly paıdalanýǵa berilgen Dý-800 jylý qubyryn jóndedi.
– Qaıta qalpyna keltirý jumystary aıaqtalyp, jylý trassasy iske qosyldy. Búgin tańǵy saǵat 6:00-den bastap jylý men ystyq sý kezeń-kezeńimen berilip jatyr,– dep habarlady ákimdikten .
Jylý berý júıesi tolyq iske qosylǵannan keıin basqarýshy kompanııalar – PIK, MIB jáne ǵımarattarǵa tehnıkalyq qyzmet kórsetýshi uıymdarǵa ishki jelilerdiń jaı-kúıin tekserý qajet.
Eske salaıyq, 23 jeltoqsan kúni Almatyda tozyǵy jetken jylý qubyry jarylyp, Sátbaev – Dostyq – Taımanov kósheleri aýmaǵy men Samal-1, Samal-2, Samal-3 shaǵyn aýdandarynyń turǵyndary jylýdan ajyratylǵan bolatyn.