Almatyda jappaı tóbeles boldy

<p>ALMATY. KAZINFORM &mdash; Almaty qalasynyń Jetisý aýdanynda bir top adam arasynda janjal shyqty. Oqıǵanyń beınejazbasy áleýmettik jelide tarady.</p>

Almaty qalasynyń Polıtsııa departamenti bul oqıǵaǵa baılanysty qylmystyq is qozǵalyp, kúdiktilerdiń ustalǵanyn habarlady.

— Bul derek boıynsha Jetisý aýdandyq polıtsııa basqarmasy qylmystyq is qozǵady. Qaqtyǵysqa qatysýshylar anyqtaldy jáne ustaldy. Olardyń árqaısysynyń áreketine quqyqtyq baǵa beriletin bolady, — dep habarlady qalalyq PD baspasóz qyzmeti.

Eske salaıyq, buǵan deıin meıramhanada janjal shyǵarǵan atyraýlyq bloger 850 myń teńge ótemaqy tólegenin jazǵanbyz. 

Sondaı-aq Almatyda meshit pen kompıýterlik klýbta telefon urlaǵan kúdikti ustalǵanyn habarlaǵan edik.