Almatyda janyp jatqan páterden 63 jastaǵy zeınetker qutqaryldy

<p>Almatynyń órt sóndirýshileri janyp jatqan páterden 63 jastaǵy er adamdy qutqardy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Tótenshe jaǵdaılar departamentiniń baspasóz qyzmetinen málim etkendeı, 19 jeltoqsan kúni tańǵy saǵat 03:56-da órt sóndirýshiler Bostandyq aýdany Áýezov kóshesi 138-úı mekenjaıyna bardy.

Kelgen kezde 3 qabatty turǵyn úıdiń 3-qabatyndaǵy páterdiń ashyq jalynmen janyp jatqanyn anyqtady.

Kezekshi aýysymnyń aǵa ınjeneri-basshysy azamattyq qorǵaý leıtenanty Vılık Merekeev úıdiń 3-qabatyndaǵy páterde adamnyń bolýyna baılanysty úsh ıindi baspaldaqty qoldaný quraly arqyly gaz-tútinnen qorǵaý qyzmetine barlaý júrgizýge buıryq berdi.

«Іshte adamdardyń bar-joǵyna barlaý júrgizý barysynda gaz-tútinnen qorǵaý qyzmeti býynynyń jeke quramy tósekte jatqan 1960 jyly týǵan páter ıesin tapty. Órt sóndirýshiler qutqarylǵan qart adamdy qyzmettiń dárigerler brıgadasyna aparyp, dárigerler alǵashqy kómek berdi», - dep habarlady vedomstvodan.

Órt 04-15-te tolyq joıyldy.