Almatyda janyp jatqan qoımadan 7 gaz ballony syrtqa shyǵaryldy
Búgin,17 aqpanda saǵat 10:40-ta Almaty qalasy TJD kúshteri men quraldary Jetisý aýdanynda Kókmaısa, 27 mekenjaıyna joǵary dárejedegi shaqyrtý boıynsha jiberildi.
Alǵashqy órt sóndirý bólimsheleri 4 mınýtta jetken. Kelgen kezde ashyq jalynmen qoımanyń janyp jatqanyn anyqtady. Órt jalpy aýmaǵy 2 myń 300 sharshy metr jerdi sharpyǵan. Jaqyn ornalasqan ákimshilik ǵımaratty qorǵaý úshin órt oqpandary qoıylyp, jedel shtab quryldy. Órt eki ýchaskede sóndirildi.
Órt sóndirýshilerge jeke avtotehnıka kedergi jasady, ózara is-qımyl qyzmetteri nysandy toktan ajyratyldy.
«Órt ornynda aerozoldi gaz ballondary, lak-boıaýlar jaryldy. Órt sóndirýshiler qaýipsizdik tehnıkasyn saqtaı otyryp jumys istedi, qurylymdardyń opyrylyp túsý qaýpi týyndady. Nysannan 7 gaz ballony evakýatsııalandy. Onyń beseýi 50 lıtrlik, ekeýi 25 lıtrlik», - dep habarlady departmentten.
Órt sóndirýshiler janyp jatqan qoıma mańynda ornalasqan bir qonaq úı keshenin, 5 avtokólik pen kórshi qoımalardy órtten qorǵap qaldy.
«Qabyldanǵan jedel sharalarmen «Ilnarýs» qonaqúıi, kafe, avtokólik jýatyn keshen, kásipkerlerdiń taýarlyq-materıaldyq qundylyqtary bar kórshi qoımalary, 5 mashına sondaı-aq transformatorlyq stantsııaǵa órttiń taralýyna jol berilmedi», - dep atap ótti vedomstvodan.
Órt saǵat 12:28-de oqshaýlanyp, 14: 58-de tolyq joıyldy.
Tilsiz jaýdy aýyzdyqtaýǵa 120 maman, 32 birlik tehnıka, «Almaty sý» mekemesiniń qyzmetkerleri men tehnıkasy jumyldyryldy.
Zardap shekkender joq. Órttiń shyǵý sebebi anyqtalyp jatyr.