Almatyda janyp jatqan eki qabatty úıden 12 adam qutqaryldy
Almaty tótenshe jaǵdaılar departamentiniń málimetinshe, órt 16 mamyr kúni saǵat 12: 35-te Jetisý aýdany Tóretaı kóshesi №2 eki qabatty úıden shyqty.
«Órt sóndirýshiler atalǵan mekenjaıǵa bir mınýtta jetken. Kelgen kezde 2 qabatty turǵyn úıdiń tóbesi jáne ekinshi qabaty janyp jatqanyn anyqtady. Órt 100 sharshy metr aýmaqty sharpyǵan, qatty ýly tútinnen turǵyndardyń ómirine qaýip tóndi. Qyzyl jalyn keńseleri bar japsarlas salynǵan ǵımaratqa taralý qaýipi týyndady»,- dep habarlady departamentten.
№ 8 órt sóndirý brıgadasynyń bastyǵy Azat Temirbaev gaz-tútinnen qorǵaý qyzmetiniń býyndaryna qol órt satylaryn qoldana otyryp adamdardy qutqarýǵa buıryq berdi.
Birinshi býyn bólimshe komandıri Álimjan Bıshemov, órt sóndirýshi-qutqarýshy Shákirjan Zarıpov, órt sóndirýshi-qutqarýshy Nursultan Ábdikárimov 2-qabattan 9 adam, onyń ishinde 4 bala qutqardy.
Sondaı aq 1 gaz ballony evakýatsııalandy.
«Qabyldanǵan jedel sharalarmen órt 20 mınýt ishinde joıylyp, japsarlas salynǵan ǵımarattyń barlyq alańyna ot taralýyna jol berilmedi. Abyroı bolǵanda zardap shekken adam joq. Órttiń sebebi anyqtalyp jatyr»,- dep atap ótti vedomstvodan.