Almatyda Jańa jyl túni merekelik otshashý bolady

<p>ALMATY. KAZINFORM &ndash; Almatyda jańa jylǵa arnalǵan otshashý demeýshilerdiń qarjysyna uıymdastyrylady.</p>

Qalalyq mádenıet basqarmasynyń habarlaýynsha, 31 jeltoqsannan 1 qańtarǵa qaraǵan túni megapolıs turǵyndary men qonaqtary merekelik otshashýdy tamashalaı alady. Otshashý demeýshiler esebinen uıymdastyrylady.

Búgin Almatydaǵy barlyq 80 shyrshanyń shamdary 19:00-de jaǵylady. Bas shyrshanyń shamyn jaǵý rásimi Abaı atyndaǵy alańda ótedi. Bıiktigi 25 metr bolatyn shyrshany bezendirý úshin 6 shaqyrym gırlıanda, sándik elementter, shyrsha sharlary, iri banttar jáne qaıta óńdelgen ekologııalyq qaýipsiz materıaldardan jasalǵan jańa jyldyq oıynshyqtar paıdalanyldy.

Sonymen qatar, Abaı alańynda 2024 jyldyń 20 jeltoqsanynan 2025 jylǵy 5 qańtarǵa deıin merekelik jármeńke ótedi. Munda qolóner buıymdary, kádesyılar jáne jańa jyldyq oıynshyqtar usynylady.

Osyǵan deıin Almatyny jańajyldyq bezendirýge 800 mln teńge jumsalatyny týraly jazǵan edik.