Almatyda Jańa jyl qarsańynda qar jaýady

<p>ALMATY. KAZINFORM — Sınoptıkter aýa raıy boljamyn usyndy. Oǵan sáıkes, Almatyda jańa jylda qar jaýady.</p>

«Qazgıdromet» RMK málimetinshe, 31 jeltoqsanda Almatyda kóshpeli bult shyǵady, tańerteń jáne kúndiz qar jaýýy múmkin.

31 jeltoqsan — Almatyda aýa temperatýrasy túnde -1-3, kúndiz — 2-4 gradýs sýyq bolady.

1 qańtar — qar jaýady, kún bultty, kúndiz synap baǵany -1…-3°C, túnde — -3…-5°C kórsetedi. Soqqan jeldiń jyldamdyǵy 2-7 m/s-ǵa jetedi. Kóktaıǵaq bolady.

2 qańtarda da kóshpeli bult shyǵady, kúndiz qar jaýady, túnde jáne tańerteń tuman túsip, joldarda kóktaıǵaq bolady. Ońtústik-batystan soqqan jeldiń jyldamdyǵy sekýndyna 2-7 metrge jetedi. Aýa temperatýrasy túnde -4-6 gradýs aıaz, kúndiz 0-2 gradýsty kórsetedi.

Osyǵan deıin «Qazgıromed» RMQ aldaǵy mereke kúnderge arnalǵan aýa raıy boljamyn jarııalaǵan bolatyn.

Elimizdiń basym bóliginde aýa temperatýrasy: túnde batysta 5 gradýs aıaz-5 gradýs jyly, kúndiz 3 gradýs aıaz -10 gradýs jyly, soltústik-batysta, soltústikte, ortalyqta, shyǵysta túnde 2-13 gradýs aıazǵa deıin, kúndiz 7 gradýs aıaz -2 gradýs jyly, shyǵysta túnde jáne kúndiz 0-8 gradýs aıazǵa deıin joǵarylaýy kútilýde, ońtústikte, ońtústik-shyǵysta temperatýralyq fonda kúrt ózgerister kútilmeıdi.