Almatyda jańa metro beketin salý úshin jer ýchaskeleri satyp alynady
Almaty qalalyq qarjy basqarmasynyń basshysy Qanat Sýhambekovtyń aıtýynsha, kólik ınfraqurylymyn qarjylandyrýǵa 13,9 mlrd teńge qarastyrylǵan.
«Megapolıstiń kólik qatynasyn jaqsartý maqsatynda Seıfýllın-Jansúgirov dańǵylyndaǵy jolaıyryqtyń qurylysy jalǵasady. Jańa jolaıyryqta kólik qozǵalysy osy jyldyń qazan aıynda ashylady dep josparlanýda. Jalpy 126 jer ýchaskesin satyp alý úshin 9 mlrd teńge bólinedi. Alynǵan ýchaskeler qoldanystaǵy kóshelerdi keńeıtý jáne jańa metro beketin salýǵa qajet», - dedi ol.
Qalalyq mobıldilik basqarmasynyń basshysy Saǵyndyq Telibaev Seıfýllın-Jansúgirov jolaıryǵyn iske qosý birqatar kósheniń ótkizý qabiletin orta eseppen 15-20%-ǵa arttyrýǵa múmkindik beretinin atap ótti.
«Seıfýllın dańǵyly men Jansúgirov kóshesiniń qıylysynda jolaıryǵyn salý Seıfýllın dańǵylynda ótkizý qabiletin 15-20%-ǵa, Jansúgirov kóshesi boıynsha 15%-ǵa arttyrýǵa múmkindik beredi dep kútilýde. Qazir «Batys» jáne «Shyǵys» ótkelderinde trotýarlardy ornatý, ınjenerlik jelilerdi qaıta qurý, sondaı-aq jer ústi jaıaý júrginshiler jolyn salý boıynsha jumystar júrgizilip jatyr», - dedi basqarma basshysy.
Buǵan deıin qala ákimi Erbolat Dosaev 2025 jyly birneshe kósheni uzartý úshin jer telimderin satyp alýdyń aıaqtalatynyn aıtqan.
Eske salaıyq, búgin Almatyda qalalyq máslıhatynyń kezekti XXII sessııasy ótti.