Almatyda jańa qurylǵan eki basqarmanyń basshylary taǵaıyndaldy
Almaty ákimdiginen málim etkendeı, Erbolat Dosaevtyń ókimimen Almaty qalasy seısmıkalyq qaýipsizdik jáne jumyldyrý daıyndyǵy basqarmasynyń basshysy laýazymyn mindetin ýaqytsha Batyrhan Súleımenov atqarady.
Batyrhan Súleımenov 1992 jyly Atyraý oblysynda dúnıege kelgen.
2015 jyly Ulybrıtanııanyń Kardıff Metropolıtan ýnıversıtetin «Menedjment» mamandyǵy boıynsha bitirgen.
Eńbek jolyn 2014 jyly bastaǵan. Ár jyldary kommertsııalyq jáne memlekettik uıymdarda basshylyq laýazymdarda jumys istedi.
2017 jyly qurylys kompanııasynda Bas dırektor bolyp jumys istedi.
2020 jyldan bastap qazirgi taǵaıyndaýǵa deıin Almaty qalalyq josparlaý jáne ýrbanıstıka basqarmasy basshysynyń orynbasary boldy.
Sondaı-aq qala ákiminiń ókimimen qoǵamdyq keńistikterdi damytý basqarmasy basshysynyń ýaqytsha mindetin atqarýshy laýazymyna Nurlan Nurǵabylov taǵaıyndaldy.
Nurlan Nurǵabylov 1988 jyly týǵan.
Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha, sondaı-aq «Bolashaq» baǵdarlamasy boıynsha men University of Dundee (Ulybrıtanııa) bitirip, quqyq magıstri biliktiligin aldy.
Eńbek jolyn 2008 jyly «Macleod Dixon LLP» kompanııasynyń Almaty fılıalynda bastaǵan.
Astanadaǵy Úkimet janyndaǵy ulttyq taldaý ortalyǵy ekonomıkalyq strategııalar departamentinde sarapshy-taldaýshy bolyp jumys istegen.
2012-2013 jyldary — Ádilet mınıstrligi memlekettiń múliktik quqyqtaryn qorǵaý departamentiniń bas sarapshysy.
2023 jylǵy maýsymnan bastap qazirgi taǵaıyndaýǵa deıin Almaty qalasy jer qatynastary basqarmasynyń basshysy boldy.
Eske salsaq, Almaty máslıhatynyń kezekten tys XIV sessııasynda jańa seısmıkalyq qaýipsizdik jáne jumyldyrý daıyndyǵy basqarmalary bekitildi.
Jańa qurylymdar aýdandyq ákimdikterdiń basqa basqarmalaryn, apparattaryn ońtaılandyrý esebinen qalyptasady jáne shtatty ulǵaıtýdy kózdemeıdi.