Almatyda jańa ǵana tóselgen asfalt jabynyn sý shaıyp ketti

<p>ALMATY. KAZINFORM - Almatyda jańbyrdyń saldarynan endi ǵana tóselgen asfalt jabynyn sý shaıyp ketti. Oqıǵa kýágerleri joldy vıdeoǵa túsirip, jelige <a href="https://t.me/egovpress/6417" target="_blank" rel="noopener">saldy.&nbsp;</a></p>

Osy máselege qatysty Almaty qalasynyń Ekologııa jáne qorshaǵan orta basqarmasy túsinik berdi.

Vedomstvonyń málimetinshe, 2014 jyly Almaty qalasynyń aýmaǵyna Nur Alataý shaǵyn aýdany qosylǵan. Bul shaǵyn aýdanda ornalasqan K.Salyqov kóshesinde aryq jelisi bolmaǵan.

Sý tasqynynyń aldyn alý maqsatynda aýdan ákimdiginiń ótinimi boıynsha joǵaryda atalǵan kóshe qalanyń ortalyq bóliginde aryq jelileri men nóser kárizderin salý jáne rekonstrýktsııalaý jobasyna qosylǵan.

Jobany iske asyrý sheńberinde Almaty qalasy Ekologııa jáne qorshaǵan orta basqarmasynyń tapsyrysy boıynsha «AlmatydeDorStroı» kompanııasy» JShS merdigerlik uıymy K.Salyqov kóshesi boıynda uzyndyǵy 1800 metr bolatyn burma aryq jelisin salý jumystaryn bastaǵan.

Aryq jelisin ornatý boıynsha qurylys-montaj jumystary aıaqtaldy. Búgingi tańda asfalt jabynyn qalpyna keltirý jumystary júrip jatyr.

«9 sáýirde saǵat 06:00-den bastap asfalt jabyny tóseý jumystary júrgizildi. Jumystardy júrgizý kezinde jaýyn-shashyn bastaldy, osydan keıin asfalt tóseý jumystary toqtatyldy. Jańbyr kezinde merdiger uıym asfalt materıalynyń qatyp qalýyn boldyrmaý úshin qalǵan ýchaskelerdi tegisteý jumystaryn bitirip jatqan bolatyn. «AlmatyDorStroı» kompanııasy» JShS merdigerlik uıymynyń basshylyǵymen qurylys normalary men erejelerin saqtaý, sondaı-aq jumystardy sapaly oryndaý qajettiligi týraly túsindirý jumystary júrgizildi», - dep habarlady qalalyq Ekologııa jáne qorshaǵan orta basqarmasynyń baspasóz qyzmeti.

Qolaıly aýa raıy bolǵan kezde 15 sáýirge deıin asfalt jabynyn qalpyna keltirý jumystaryn aıaqtaý josparlandy.

Eske salsaq, búgin Almatyda túsken keıin nóser jańbyr jaýa bastady. 

Sondaı-aq Almaty ákimdigi aldaǵy eki kún boıy jaýyn jaýatynyn habarlaǵan bolatyn.