Almatyda jańa avtobýs marshrýty iske qosyldy

<p>ALMATY. KAZINFORM &mdash; Almatyda Naýryzbaı aýdany men baraholka bazarynyń arasynda júretin №76 marshrýty iske qosyldy.</p>

Ákimdikten atap ótkendeı, Naýryzbaı aýdany turǵyndarynyń ótinishi boıynsha qalalyq mobıldilik basqarmasy jańa turaqty baǵyt uıymdastyrdy.

№76 baǵyty «Alma Sıtı-5»TK» – Alataý dańǵyly – Tóle bı kóshesi – Áshimov kóshesi – Raıymbek dańǵyly – Kýderın kóshesi – Soltústik aınalym– «Sálem» bazary aralyǵyna qatynaıdy. «Ádilet Avto» JShS qyzmet kórsetedi.

Baǵytta 2023 jyly shyqqan ISUZU markaly 14 avtobýs júredi. Mundaǵy josparly qozǵalys aralyǵy 8 mınýt.

Almaty ákimdigi bıyl qosymsha 600 avtobýs, 112 trolleıbýs jáne 100 elektrobýs satyp alýdy josparlap otyr. Sonymen qatar, jeke tasymaldaýshylar 400-ge jýyq jańa avtobýs pen 15 elektrobýs satyp alady.

Bul 2024 jyly ekologııalyq taza kóliktiń úlesin 70% - ǵa deıin arttyrýǵa múmkindik beredi.