Almatyda jábirlenýshiniń basyn taspen jarǵan kúdiktiler ustaldy

<p>Almatyda bir kisige eki er adamnyń jabylyp uryp soqqan vıdeosy áleýmettik jelige shyqty, dep habarlaıdy <a href="Kazinform" target="_blank" rel="noopener">Kazinform</a>.</p>

Vıdeoda jábirlenýshini uryp-soqqannan bólek, onyń basyn taspen jaryp tastaǵanyn kórýge bolady.

Almaty qalalyq polıtsııa departamentiniń Jetisý aýdandyq polıtsııasy oqıǵa túngi saǵat birde Seıfýllın dańǵyly men Aqpaev kóshesiniń qıylysynda bolǵanyn habarlady. Beıtanys azamatpen sózge kelip qalǵan eki er adam keıin ony uryp-soqqan.

«Jábirlenýshi shuǵyl túrde aýrýhanaǵa jatqyzyldy, onyń basyn taspen jarǵan. Shabýyl jasaýshylardyń jeke basy birden anyqtaldy. Olar ustalyp, QR QІJK-niń 128-babyna sáıkes ýaqytsha ustaý ızolıatoryna qamaldy. Atalǵan derekke qatysty qylmystyq is QR QK-niń 106-baby 2-bóliginde kózdelgen qylmys belgileri boıynsha tergelýde. Qylmystyq is aıasynda sot-medıtsınalyq saraptama taǵaıyndaldy. Oqıǵanyń basqa da mán-jaıy anyqtalýda», — dedi Jetisý aýdandyq polıtsııa basqarmasynyń bastyǵy, polıtsııa podpolkovnıgi Jánibek Shynasylov.

Polıtsııada sondaı-aq QR QK-niń 201-babyna sáıkes ózge aqparat tergeý múddesine oraı jarııa etilmeıtinin, Konstıtýtsııanyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz sanalatynyn habarlady.