Almatyda zańsyz júrgen Afrıkanyń 15 azamaty elden shyǵaryldy

<p>ALMATY. KAZINFORM &ndash; Almatyda QR kóshi-qon zańnamasyn buzǵan afrıkalyqtarǵa qatysty sot qaýlysy shyqty.&nbsp;</p>

Almatylyq kóshi-qon qyzmetiniń málimetinshe, QR kóshi-qon zańnamasyn buzǵany úshin ustalǵan Afrıkanyń 15 azamaty elden shyǵaryldy.

«Atalǵan sheteldikter bizdiń elde bolǵan kezinde elimizdiń kóshi-qon salasyndaǵy zańnamasyn buzǵan. Atap aıtqanda, zańda belgilengen merzimde QR aýmaǵynan shyqpaǵan soń sot qaýlysymen elimizdiń aýmaǵynan shyǵarý túrinde ákimshilik jazaǵa tartyldy», - dedi Almaty qalalyq polıtsııa departamentiniń kóshi-qon qyzmeti basqarmasynyń bastyǵy Ashat Býtýnchınov. 

Eske salaıyq, buǵan deıin Almatyda kóshi-qon zańnamasyn buzǵan afrıkalyqtardyń anyqtalǵanyn jazǵanbyz.