Almatyda zańsyz júrgen Afrıka azamattary deportatsııalandy

<p>ALMATY. KAZINFORM - &laquo;Zańsyz&raquo; jedel-aldyn alý is-sharasy barysynda Almatynyń kóshi-qon qyzmeti Afrıka qurlyǵynyń 3 azamatyn májbúrli túrde elden shyǵaryp, Otanyna qaıtarǵan.</p>

«Bul sheteldikter Qazaqstanda bolǵan kezinde halyqtyń kóshi-qony salasyndaǵy zańnamany buzǵan. Atap aıtqanda, olar zańda belgilengen merzimde Qazaqstan Respýblıkasynyń aýmaǵynan shyqpaı, sot sheshimimen memleketimizden shyǵarý túrindegi ákimshilik jazaǵa tartyldy», - dedi Almaty qalasy Polıtsııa departamentiniń Kóshi-qon qyzmeti basqarma bastyǵynyń orynbasary, polıtsııa polkovnıgi Gennadıı Men.

Foto: Almaty qalasynyń PD

Aıta keteıik, buǵan deıin Kóshi-qon qyzmeti «Stop trafık» jedel aldyn alý is-sharasy barysynda Almatyda jezókshelikpen aılanysqan 7 sheteldikti ustanǵanyn jazǵanbyz.

Sondaı-aq Ulttyq qaýipsizdik komıteti megapolıste terrorızmdi nasıhattady degen kúdikpen 2 shetel azamatyn ustaǵanyn jazǵan edik.