Almatyda zańsyz jumys istegen afrıkalyqtar ustaldy

<p>ALMATY. KAZINFORM &ndash; Almatyda Afrıka elderinen kelgen alty jáne kórshiles memleketterden kelgen bir azamat anyqtaldy.&nbsp;</p>

Sheteldikter jeke qurylys alańynda, meıramhana men kólik jýý ornynda zańsyz jumys istegen. Olar polıtsııa departementiniń qabyldap-taratý ornyna jetkizildi.

«Sheteldikterdiń jeke basyn kýálandyratyn qujattary bolmaǵan. Olar Qazaqstan Respýblıkasynyń kóshi-qon zańnamasyn buzǵany úshin quqyq buzýshylar ákimshilik jaýapkershilikke tartylyp, elden shyǵarylatyn bolady. Osy kúnderi Almatyda jedel jaǵdaıdy jaqsartýǵa, qoǵamdyq tártipti, jol qaýipsizdigin qamtamasyz etýge, zańsyz kóshi-qonnyń jáne basqa da zańsyz áreketterdiń jolyn kesýge baǵyttalǵan «Ýchastok» jedel-aldyn alý is-sharasy ótkizilip jatyr», - dedi Almaty qalalyq PD Kóshi-qon qyzmeti Basqarmasynyń bastyǵy Ashat Býtýnchınov.

Eske salaıyq, buǵan deıin Almatyda zańsyz jumys istegen 22 sheteldik elden shyǵarylǵanyn jazǵanbyz. 

Sondaı-aq Almatyda sheteldikterdi zańsyz jumysqa alǵan 65 qazaqstandyqqa aıyppul salyndy.