Almatyda zańsyz salynǵan turǵyn úı kesheni buzylady

<p>Almatyda zańsyz salynyp jatqan turǵyn úı keshenin buzý jumystary bastaldy. Bul týraly qala qurylysyn baqylaý basqarmasy málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

Basqarmadan atap ótkendeı, Almaty ákimdigi men qalalyq sybaılas jemqorlyqqa qarsy qyzmeti taý bókterinde zań talaptary men qurylys normalaryna saı kelmeıtin 52 nysandy anyqtaldy.

Solardyń biri – Vıtebskaıa kóshesi, 44/3,44 A mekenjaıda ornalasqan KHAN turǵyn úı kesheni.

«Bul nysandy «Tennis.kz» JShS salǵan, eskızdik joba kelisilmegen, avtorlyq jáne tehnıkalyq qadaǵalaý, saraptama qorytyndysy joq, qurylys-montaj jumystarynyń bastalǵany týraly habar bermegen. Tapsyrys berýshige qatysty basqarma ÁQBtK - niń 316-baby 1-bóligi, 321, 462-bóligi boıynsha sharalar qabyldady, sondaı-aq osy jyldyń 28 sáýirinde Almaty qalalyq mandandyrylǵan aýdanaralyq ekonomıkalyq soty turǵyn úı keshenin súrý jóninde talap aryz berdi», - dep habarlady basqarmadan.

Sot talqylaýlary aıaqtalǵannan keıin 24 qazanda Almaty qalalyq sotynyń qaýlysymen nysandy buzý týraly birinshi satydaǵy sottyń sheshimi ózgerissiz qaldy.
Zańsyz salynǵan nysandy buzý Ádilet departamentiniń sot oryndaýshylarynyń qatysýymen júrgiziledi.

Foto: Almaty ákimdiginen

Aıta keterligi, taǵy 19 nysan boıynsha tolyq nemese ishinara buzý, ýchaskeni bastapqy kúıine keltirý jáne nusqamany májbúrlep oryndaý týraly sot sheshimderi zańdy kúshine endi.